Suenter Pasca cumenza la stagiun da construcziun 2021 sin e per lung da las vias chantunalas. L'emprim vegnan fatgas las lavurs da signalisaziun e messas las barrieras tranter las surfatschas da traffic ed ils plazzals. Uschia vegnan protegidas las participantas ed ils participants dal traffic e las persunas che lavuran sin ils plazzals. Ils dis suandants cumenzan las lavurs da construcziun e da cuvrida per propi.

Durant l'onn 2021 èn planisads var 200 plazzals sin la rait da vias chantunalas cun ina lunghezza da 1360 kilometers e cun circa 1500 construcziuns artifizialas (78 da quests plazzals sin vias principalas e 102 sin vias da colliaziun). 91 plazzals vegnan reglads cun amplas da traffic mobilas. L'Uffizi da construcziun bassa dal Grischun s'engascha a favur d'ina circulaziun dal traffic optimala durant il temp da construcziun.

Ulteriuras infurmaziuns en l'actual Info UCB.