Navigation

Inhaltsbereich

Cun circa 600 km vias principalas e cun 800 km vias da colliaziun sco er cun 1500 construcziuns artifizialas (punts, punts a spunda, gallarias e tunnels) ha il chantun Grischun ina gronda rait da vias chantunalas. Per il Grischun sco chantun alpin cun ses abitadis decentrals èn vias da traffic che funcziunan bain atgnamain las avainas da vita.

Per che questa rait da vias chantunalas possia vegnir manada sa drizzond al futur, èsi necessari d'investir adina puspè en la substanza existenta e da la renovar per garantir la segirezza da manaschi sco er per augmentar la segirezza dal traffic e la qualitad da viver da las regiuns per part perifericas. Sin basa da la lescha davart las vias dal chantun Grischun (LVias) è l'uffizi da construcziun bassa dal Grischun cumpetent per la projectaziun, per la construcziun sco er per il mantegniment e per la gestiun da las vias chantunalas.

Las vias chantunalas vegnan projectadas e construidas tenor il stadi actual da la tecnica da construcziun e da traffic, cun resguardar l'utilisaziun che po vegnir spetgada. Ina buna integraziun en ils conturns architectonics e geografics sco er in proceder che schanegia uschè bain sco pussaivel l'ambient e ch'è economic han en quest connex ina gronda prioritad. Il mantegniment da las vias chantunalas cumpiglia tut las mesiras che fan part dal mantegniment da la segirezza dal traffic, da l'utilisabladad e da la duraivladad da las vias chantunalas. En quest connex vegni differenzià tranter il mantegniment architectonic (mantegniment da las vias e da las construcziuns artifizialas) ed il mantegniment manaschial (servetsch d'enviern, lavurs da nettegiament, tgira da las surfatschas verdas e.u.v.).

Image SlideShow Gallery