Ils 31 da matg 2019 scada la clausula da protecziun per forzas da lavur da la Bulgaria e da la Rumenia.

Pervia da quai vegnan abolids ils contingents che valevan fin ussa per forzas da lavur da la UE-2 (permissiun da dimora B).

En sia sesida dals 15 da matg 2019 ha il cussegl federal deliberà la revisiun correspundenta da l'ordinaziun davart l'introducziun da la libra circulaziun da persunas (OLCP).

Per persunas ch'èn burgaisas da quests dus stadis e che cumenzan en Svizra cun ina plazza da lavur u che sa domicilieschan en Svizra sco persunas cun in'activitad da gudogn independenta, na valan a partir dal 1. da zercladur 2019 pli nagins dumbers maximals.

Ellas giaudan la libra circulaziun da persunas cumplaina sco ch'ella vala per burgaisas e burgais dals ulteriurs stadis commembers da l'Uniun europeica (cun excepziun da la Croazia).