Navigation

Inhaltsbereich

Vulais Vus era metter a disposiziun ina chombra, in studio, in’abitaziun u ina chasa da vacanzas per persunas cun basegn da protecziun da l’Ucraina?

L'alloschament e la convivenza d'umans che na s'enconuschan betg po esser ina sfida per tuttas duas varts. Fugitivas e fugitivs pateschan savens da chargias multiplas, quai che po engrevgiar supplementarmain la convivenza. La decisiun da dar albiert tar sai a chasa a persunas na duess perquai betg vegnir prendida a la svelta e duess vegnir discutada bain cun tut las persunas involvidas. Betg mintga furma da collocaziun n'è adattada per dar alloschi a persunas che tschertgan protecziun. Impurtant èsi cunzunt da garantir che l'alloschament possia vegnir occupà durant almain 3 mais sco er ch'i saja avant maun almain ina chombra da durmir serrabla cun fanestra.

Premissas impurtantas:

  • La durada d’occupaziun minimala èn trais mais, per che las persunas cun basegn d’agid na stoppian betg puspè far midada suenter curt temp.
  • Almain ina stanza da durmir ch’ins sa serrar e che ha ina fanestra

Infurmaziuns impurtantas:

  • En il rom da l’alloschament privat vegn procurà per ina garanzia tras l’assicuranza che correspunda als basegns;
  • Nus recumandain da far ina cunvegna scritta cun la persuna alloschada (contract da locaziun, u contract da sutfittanza). Quai protegia las pretensiuns da domaduas partidas;
  • Sche l’alloschader è sez locatari u locataria, exista ina relaziun da sutfittanza tenor art. 262 DO. Il fittadin principal fa in contract da sutfittanza cun las persunas cun basegn da protecziun da l’Ucraina. Il locatur sto vegnir infurmà dal fittadin davart l’alloschament planisà; quel sto dar (ordavant) ses consentiment per la sutfittanza.

Sche Vus ademplis las premissas numnadas survart, As savais Vus drizzar cun Vossas datas da contact a ukraine@amz.gr.ch. Nossas collavuraturas e noss collavuraturs vegnan a contactar Vus.

Ulteriuras dumondas e respostas chattais Vus qua.