Care Team Grischun
Il Care Team Grischun è operativs dapi il settember 2004. Ils commembers dal Care Team Grischun na prestan betg servetsch da pichet. Els vegnan clamads or dal pool da la centrala dal clom d'agid sanitar 144. La centrala d'alarm sanitar 144 mobilisescha commembers sin basa da la gli-sta d'indicaziun.
Persunas spezialisadas da las gruppas professiunalas psicologia, psichiatria, lavur sociala e professiuns, pasto-raziun da domaduas baselgias chantunalas furman il Ca-re Team Grischun. En tut stattan a disposiziun var 60 persunas. Quels èn scolads tenor las directivas d'acziun ed ils standards da scolaziun per l'agid d'urgenza psico-logic da la rait naziunala d'agid d'urgenza psicologic. En-taifer il Care Team han in pèr commembers ina furmaziun supplementara en psicologia d'urgenza.
Il Care Team Grischun è suttamess organisatoricamain a l'Uffizi da militar e da protecziun civila en il Departament da giustia, segirezza e sanadad.
Mintg'onn vegnan clamads las commembras ed ils com-members dal Care Team grischun per ina furmaziun supplementara durant almain in di.
Il Care Team Girschun è vegnì certifitgà ils 5 da mars 2009 tras la rait naziunala d'agid psicologic e tras il serve-tsch sanitar coordinà.
Certificat
Concepziun
Finamira
Il Care Team Grischun garantescha in emprim sustegn psicologic asattà u in agid psicologic per persunas per-tutgadas fermamain traumatisadas e da lur confamigliars en cas d'eveniments dal mintgadi sco er en cas da cata-strofas e da situaziuns d'urgenza. En il center stat la re-cuperaziun da la segirezza persunala tras structura, tras infurmaziun e protecziun, tras quai la recuperaziun da l'abilitad da mirar per sasez e la reintegraziun en l'activi-tad u en il pensum da fin ussa. La finamira è da chattar uschè spert sco pussaivel puspè en la vita da mintgadi. Nua che quai è necessari vegni rendì attent a las resur-sas dal sectur da la sanadad publica ed i vegn recuma-ndà in tractament u in accumpagnament a lunga vista (= prevenziun secundara). La lavur dal Care Team serva a prevegnir eventuals disturbis posttraumatics da stress.
Direcziun administrativa:
Jürg Mayer, Uffizi da militar e da protecziun civila, juerg.mayer@amz.gr.ch
Direcziun spezialisada:
Benjamin Krexa, psicolog spezialisà per psicoterapia FSP
Jens Köhre, spiritual
Romina von Tscharner, tgirunza diplomada SSS