Il program da moviment per senioras e seniors
La nova stafla da «Bliib fit – mach mit!» va dapi il 1. da november 2024 adina mardi e venderdi a las 09.30 sin TV Südostschweiz.
En l'emissiun da televisiun «Bliib fit – mach mit!» animescha la terapeuta da moviment Ursula Meier Köhler las persunas pli veglias da far moviment en las atgnas quatter paraids. Ils exercizis simpels per forza, equiliber, coordinaziun, movibladad e recreaziun sa basan sin la biomecanica e la fisiologia da trenament e vegnan sustegnids tras moviments da yoga, tai chi, modern dance e dapli.
Ensemen cun auters chantuns e cun la Fundaziun per la promoziun da la sanadad Svizra sustegna il Post spezialisà per la promoziun da la sanadad questa producziun da televisiun
Gruppa/s en mira
Persunas pli veglias, persunas spezialisadas, organisaziuns professiunalas
Finamiras dal project
Persunas pli veglias pon participar 2 giadas l'emna ad in program da moviment en las atgnas quatter paraids. Ils exercizis èn simpels da far e dovran nagins meds auxiliars.
In trenament da moviment regular sbassa la ristga da cupitgar e da bleras malsognas cronicas ed ha ina buna influenza sin il svilup dals musculs. Il trenament da moviment ha in effect positiv sin il stadi psichic e sin la capacitad da prestaziun cognitiva.
Cuntegns da la purschida
- En il chantun Grischun vegn la purschida rendida enconuschenta sur occurrenzas en las vischnancas e sur raits da persunas spezialisadas ed organisaziuns professiunalas
- Spediziun da material d'infurmaziun
- Sensibilisaziun: publicaziun d'artitgels da mussavia e posts da social media, communicaziun ad occurrenzas, organisaziun da furmaziuns supplementaras
Cundiziuns generalas
- Empustaziun da flyers
- Communicaziun da la purschida a la gruppa en mira ed a ses appartegnents
- Sensibilisaziun da las collavuraturas e dals collavuraturs davart il moviment en la vegliadetgna.
Link