Navigation

Inhaltsbereich

Permissiun per il transport commerzial da persunas malsaunas e disgraziadas


Tenor l'art. 17 da la lescha davart la protecziun da la sanadad (lescha da sanadad) è il transport commerzial da persunas malsaunas e disgraziadas suttamess a l'obligaziun da dumandar ina permissiun. Las premissas per dumandar la permissiun èn definidas en l'art. 19 ed en l'art. 24 da la lescha da sanadad sco er en l'art. 24 da l'ordinaziun tar la lescha da sanadad (OtLSan).
La dumonda cumpletta sto vegnir inoltrada a l'uffizi da sanadad il pli tard 2 mais avant l'avertura dal manaschi. Las taxas sa drizzan tenor l'ordinaziun davart las taxas per il sectur da sanadad.
Il formular da dumonda respectiv survegnis Vus sin dumonda tar l'uffizi da sanadad, partiziun "servetschs da salvament", Planaterrastrasse 16, 7001 Cuira, tel. 081 257 26 48, e-mail: sabine.weiss@san.gr.ch.

Chaussas spezialas

Ils servetschs da salvament che possedan ina permissiun equivalenta da la confederaziun u d'in auter chantun, na basegnan tenor l'art. 25 al. 2 OtLSan nagina permissiun chantunala.