Navigation

Inhaltsbereich

Moda da proceder

  • Tscherni sut la rubrica "formulars" la professiun giavischada, avri il formular da dumonda correspundent (pdf), legi tras quel e preparai ils mussaments necessaris correspundents.
  • Agiuntai al formular da dumonda emplenì tut ils mussaments pretendids.
  • Inoltrai il formular da dumonda cumplettamain emplenì e suttascrit cun ils mussaments necessaris a l'uffizi da sanadad, e quai il pli baud 3 mais avant che cumenzar l'activitad.
  • Per che la dumonda possia vegnir elavurada entaifer il termin fixà, sto ella esser avant maun cumplettamain tar l'uffizi da sanadad, e quai almain 2 emnas avant che cumenzar l'activitad.  
  • Per exequir l'activitad en atgna responsabladad professiunala sto esser avant maun la permissiun per pratitgar la professiun.
  • Pratitgar la professiun senza permissiun vegn chastià – sin basa da l'art. 64 abs. 2 lit. a) da la lescha da sanadad – cun ina multa fin 20'000 francs.

Permissiuns èn necessarias per pratitgar ina professiun medicala sut l'atgna responsabladad professiunala:

  • media / medi
  • dentista / dentist
  • apotecra /apotecher
  • chiropraticanta / chiropraticant

u in'autra professiun da la tgira da la sanadad:

  • opticra / opticher
  • igienicra / igienicher da dents
  • droghista / droghist
  • spendrera / spendrer
  • ergoterapeuta / ergoterapeut
  • cussegliadra / cussegliader da nutriment
  • logopeda / logoped
  • massadra medicinala / massader medicinal
  • osteopata / osteopat
  • tgirunza / tgirunz
  • fisioterapeuta / fisioterapeut
  • podologa / podolog
  • psicoterapeuta / psicoterapeut
  • naturopata / naturopat

Basa legala