Il post spezialisà MCS surpiglia en il chantun Grischun ina rolla centrala en la protecziun proactiva cunter violenza. Sia incumbensa è quella d'identifitgar a temp persunas ch'èn potenzialmain prontas da commetter violenza, da valitar lur potenzial da periclitaziun e d'instradar mesiras adattadas per mitigiar a temp svilups privlus. Uschia duain grevs acts da violenza intenziunads vegnir difficultads uschè bain sco pussaivel ed en il meglier cas impedids.

Sco post da consultaziun gida il post spezialisà MCS las autoritads, ils uffizis ed ulteriuras instituziuns (posts da cussegliaziun, organisaziuns d'agid, chasas da dunnas e.u.v.) a valitar ed a ir enturn cun situaziuns da smanatscha. Il team lavura en moda interdisciplinara e reunescha enconuschientschas specificas dals secturs polizia, psicologia forensica e lavur sociala.

Infurmaziuns per persunas privatas
Per persunas privatas è la staziun da polizia locala l'emprim post da consultaziun.
- En cas d'urgenza acuts telefonai immediatamain al clom d'agid da la polizia 117.
- Per denunzias penalas u per in'emprima cussegliaziun è cumpetenta la proxima staziun da polizia.

Sche necessari, vegn il post spezialisà MCS consultà tras las collavuraturas ed ils collavuraturs da la staziun da polizia respectiva.