Sin blers manaschis agriculs exista in deposit da tancs per ieli da diesel e benzin, per ch'ils vehichels a motor ed ils apparats dal bain puril possian vegnir tancads. Tant il deposit da carburants sco er la plazza da tancar ston ademplir las prescripziuns da la protecziun da las auas.

Tge prescripziuns sto ademplir in deposit da carburants sin in manaschi agricul? (Enumeraziun betg cumpletta)

• Ils recipients ston esser ermetics.
• Recipients singuls da passa 20 l ston vegnir conservads en in batschigl da tschiffada, ubain che la deflussiun sto vegnir impedida tras mesiras architectonicas.
• Deposits da tancs da passa 450 l ston vegnir annunziads a l'Uffizi per la natira e l'ambient (UNA), adeposits da tancs da passa 2000 l dovran ina permissiun.

Tge prescripziuns sto ademplir ina plazza da tancar sin in manaschi agricul? (Enumeraziun betg cumpletta)

• La plazza da tancar sto esser ermetica e na dastga avair naginas foras, sfessas e. u. v. La cuvrida dal palantschieu (betun u asfalt) sto resister a l'influenza da substanzas.
• La plazza da tancar ha in tetg u l'aua vegn allontanada sur in zavrader d'ieli en la chanalisaziun da l'aua malnetta.