Sco impediments per l'aviatica valan stabiliments ed emplantaziuns che han in'autezza da 60 meters e dapli en zonas surbajegiadas ed in'autezza d'almain 25 meters ordaifer talas zonas. Regulaziuns specificas valan plinavant en regiuns enturn las plazzas aviaticas. Las proprietarias ed ils proprietaris ubain las persunas che construeschan tals stabiliments èn obligads da dumandar l'Uffizi federal d'aviatica civila (UFAC) ina permissiun per il project respectiv. Dumondas u annunzias da tals impediments da l'aviatica pon vegnir registradas online directamain tar il UFAC.

La situaziun actuala dals impediments per l'aviatica ordaifer las plazzas aviaticas è accessibla publicamain e publitgada sco charta online.