Ils projects per il svilup regiunal cumpiglian mesiras per crear valurs en l'agricultura. Els rinforzan la collavuraziun interdisciplinara tranter l'agricultura ed ils secturs ch'èn colliads cun l'agricultura, oravant tut il mastergn ed il turissem. Els pon dentant er cuntegnair mesiras per lung d'ina singula chadaina da valurisaziun (per exempel il svilup d'ina chadaina da valurisaziun per nuschs). Las mesiras ston vegnir accordadas cun in concept general e coordinadas cun il svilup regiunal e cun la planisaziun dal territori.

Per projects futurs da caracter regiunal pon vegnir concedidas contribuziuns per l'accumpagnament professiunal (coaching) sin la via da l'emprima idea fin al project madir, quai en il rom d'in scleriment preliminar resp. d'ina etappa da basa.

Il UAG sustegna ils purtaders e la manadra u il manader dal project tar la planisaziun e tar la realisaziun dals projects.