Numerusas mesiras, che pon vegnir sustegnidas da la confederaziun e dal chantun, han d'ina vart la finamira da mantegnair e da meglierar las infrastructuras agriculas, e da l'autra vart da sviluppar vinavant il territori rural e da coordinar las differentas activitads che han in effect sin il territori. In'ulteriura pitga da la politica agrara da la confederaziun èn – ultra dals pajaments directs u da las contribuziuns d'alpegiada – las investiziuns ch'èn efficazias a lunga vista.

Cun mesiras per meglierar las structuras pon vegnir sustegnids ovras ed implants da la construcziun bassa rurala, da la construcziun auta agricula sco er la reordinaziun da la proprietad funsila e da las relaziuns da fittanza. Ulteriuras pussaivladads da sustegn datti per projects dal svilup regiunal. Uschia duai vegnir promovida la creaziun da valur persistenta en l'agricultura.