Il 1. da schaner 2026 ha il chantun introducì in nov instrument da promoziun per construir abitaziuns da locaziun favuraivlas. Il chantun po conceder a purtaders d'abitaziuns d'utilitad publica emprests rembursabels a tschains moderads per projects che vegnan realisads en il chantun Grischun.

La promoziun cumplettescha la promoziun da la Confederaziun or dal fond da rotaziun (FdR). Als purtaders d'abitaziuns d'utilitad publica che survegnan emprests a tschains favuraivels da la Confederaziun per construir, cumprar e renovar abitaziuns da locaziun favuraivlas, paja il chantun da princip ina promoziun cumplementara medem gronda sut las medemas premissas e cundiziuns.

Qua vai tar la dumonda
Ils formulars da dumonda per ina promoziun tras la Confederaziun (FdR) èn disponibels sin la l'Uffizi federal d'abitaziuns.

Per survegnir dal chantun emprests supplementars a tschains favuraivels sto vegnir emplenì il fegl supplementar. Il fegl supplementar sto vegnir inoltrà ensemen cun il formular da dumonda da la Confederaziun a l'organisaziun da tetg cumpetenta (WBG Schweiz u Wohnen Schweiz).

Premissas

1.  La dumonda per ina promoziun tras il chantun sto vegnir inoltrada ensemen cun il «Fegl supplementar tar il formular da dumonda da la Confederaziun» sco er cun la dumonda per ina promoziun tras la Confederaziun.
2. Tuttas duas dumondas ensemen èn d'inoltrar a l'organisaziun da tetg da la construcziun d'abitaziuns d'utilitad publica, da la quala il purtader d'abitaziuns d'utilitad publica è commember. Ina commembranza è obligatorica.
3. Il chantun conceda mo in emprest, sche er la Confederaziun conceda in emprest. Ina promoziun tras il chantun premetta, che tut las premissas, cundiziuns e pretensiuns per ina promoziun tras la Confederaziun vegnian observadas.
4. Il project da construcziun d'abitaziuns d'utilitad publica sto vegnir realisà en il Grischun. Ils purtaders da questas abitaziuns na ston dentant betg avair lur sedia en il chantun Grischun.