A partir dal 1. da schaner 2026 introducescha il chantun in nov instrument da promoziun per construir abitaziuns da locaziun favuraivlas. Il chantun po conceder a purtaders d'abitaziuns d'utilitad publica emprests rembursabels a tschains moderads.

La promoziun cumplettescha la promoziun da la Confederaziun or dal fond da rotaziun (FdR). Als purtaders d'abitaziuns d'utilitad publica che survegnan emprests a tschains favuraivels da la Confederaziun per construir, cumprar e renovar abitaziuns da locaziun favuraivlas, paja il chantun da princip ina promoziun cumplementara medem gronda sut las medemas premissas e cundiziuns.

Qua vai als formulars da dumonda
Las formulars da dumonda per ina promoziun tras la Confederaziun (FdR) èn disponibels sin la pagina d'internet da l'Uffizi federal d'abitaziuns.

Per survegnir dal chantun emprests supplementars a tschains favuraivels sto vegnir emplenì il fegl supplementar. Il fegl supplementar sto vegnir inoltrà ensemen cun il formular da dumonda da la Confederaziun a l'organisaziun da tetg cumpetenta (WBG Schweiz u Wohnen Schweiz).