Il post spezialisà "chauns" è responsabel per l'execuziun da las legislaziuns en il sectur dals chauns. En il center da nossa lavur stat l'elavuraziun da tut las annunzias davart morsas da chauns e davart chauns cun in cumportament fitg agressiv.

Per questa incumbensa è cumpetenta ina persuna spezialisada. Las incumbensas da surveglianza e da controlla ademplin nus en collavuraziun e cun il sustegn da differents partenaris.

Las incumbensas las pli impurtantas èn:

• elavurar tut ils cas da morsas da chauns en il chantun Grischun
• elavurar las annunzias davart chauns cun in cumportament che dat en egl
• controllar e survegliar, co ch'ils chauns vegnan tegnids e scolads
• realisar examens da cumportament
• far controllas areguard la protecziun dals animals
• cussegliar e sustegnair las vischnancas en dumondas da chauns
• far lavurs da prevenziun