Il Program San Gottardo (PSG) è in program cuminaivel dals chantuns Grischun, Tessin, Uri e Vallais en il rom da la Nova politica regiunala (NPR). La finamira dal program è quella da sviluppar e da promover il territori enturn il Gottard sco spazi vital ed economic coerent.

Cun il program da realisaziun San Gottardo 2020-2023 han ils quatter chantuns inoltrà tar il Secretariat da stadi per l'economia SECO in program da quatter onns cuminaivel che surpassa ils cunfins chantunals. Latiers han els suttascrit ina cunvegna da program. Il caracter interchantunal fa da quest program da realisaziun in cas da model en il rom da la NPR.

Il Program San Gottardo na realisescha betg sez projects, mabain sustegna purtadras e purtaders da project a sviluppar e realisar lur projects. Il success dependa uschia fermamain da l'atgna iniziativa da las acturas e dals acturs al lieu.

Ils accents da promoziun e las pussaivladads da promoziun per projects èn fixads en il program da realisaziun San Gottardo 2020-2023 da la NPR.

Ulteriuras infurmaziuns davart il Program San Gottardo: https://gottardo.ch/