In princip da la Nova politica regiunala (NPR) prevesa che las vischnancas e las regiuns sviluppian atgnas ideas e prendian atgnas iniziativas per promover il svilup economic. Il chantun Grischun sustegna – en il rom da la NPR e sin basa da la Lescha per il svilup economic (LSE) – er la realisaziun dal management regiunal.

Il concept actual dal management regiunal en il chantun Grischun, ch'è en vigur dapli il 1. da schaner 2021, prevesa posts da svilup regiunal en tut las indesch regiuns dal chantun. Ils posts da svilup regiunal inizieschan, coordineschan, organiseschan e furman process, mesiras e projects per il svilup economic. En quest connex èn els ils interlocuturs per l'economia, la politica e la populaziun sco er per la collavuraziun economica cun las regiuns vischinas e cun l'exteriur vischin.