La politica regiunala da la Confederaziun per il sectur dal turissem duai rinforzar la cumpetitivitad da la branscha turistica orientada a l'export, stgaffir in'activaziun d'acturs regiunals e locals ed ina valurisaziun supplementara da potenzials specifics en las regiuns.
A projects en il sectur dal turissem pon – sa basond sin las directivas – vegnir concedids credits federals/contribuziuns federalas e contribuziuns chantunalas (prestaziuns d'equivalenza), sch'els s'accordan cun la planisaziun da las mesiras tar il program da realisaziun dal Grischun 2024-2027 (p.ex. lantschada da products turistics novs che han in effect d'attracziun sin destinaziuns existentas, realisaziuns da projects en il rom dal svilup da destinaziuns, projects da valurisaziun da la natira e da la cultura e.u.v.).
Dumondas per survegnir prestaziuns da promoziun ston vegnir inoltradas sur la regiun pertutgada a l'Uffizi per economia e turissem (UET) cun ils suandants documents, e quai avant che prender per mauns il project respectiv:
Detagls co emplenir las singulas parts dal formular da dumonda da la NPR pon vegnir retratgs dal fegl auxiliar.