La finamira da la promoziun d'occurrenzas chantunala è quella da pussibilitar occurrenzas d'impurtanza surregiunala. Sa basond sin las directivas pon contribuziuns chantunalas (contribuziuns fixas e/u contribuziuns da deficit) vegnir concedidas, sch'ellas
- pussibiliteschan occurrenzas grondas internaziunalas
- pussibiliteschan occurrenzas da sport internaziunalas u naziunalas;
- faciliteschan la fasa iniziala da novas occurrenzas da sport cun in potenzial per il futur;
- pussibiliteschan occurrenzas culturalas cun in'attracziun speziala;
- pussibiliteschan congressinternaziunals e naziunals en il Grischun;
- pussibiliteschan occurrenzas caracteristicas per il Grischun u festas naziunalas che han lieu ina giada.
En quest connex vegnan differenziadas las suandantas categorias d'occurrenzas:
- quellas che augmentan la valurisaziun turistica;
- quellas ch'èn d'impurtanza surregiunala;
- quellas che demussan potenzial da svilup;
- quellas che correspundan a la strategia da destinaziun;
- quellas che integreschan la marca graubünden en il concept da communicaziun da l'organisatur;
- quellas tar las qualas las atgnas prestaziuns da l'organisatur e las contribuziuns da terzas persunas èn exauridas.
Formular online
Dumondas da contribuziuns ad occurrenzas ston vegnir inoltradas al UET il pli tard 4 mais avant l'occurrenza. La dumonda po vegnir inoltrada cun il formular ensemen cun ils suandants documents: