La statistica da construcziun e d'edifizis d'abitar che vegn fatga mintga onn infurmescha detagliadamain davart las investiziuns da construcziun cun obligaziun da dumandar ina permissiun da construcziun l'onn da rapport sco er davart las lavurs da mantegniment publicas betg suttamessas a l'obligaziun da dumandar ina permissiun da construcziun. Plinavant po vegnir inditgà il dumber dals edifizis cun abitaziuns construids da nov ed il dumber da las abitaziuns construidas da nov.

L'onn 2023 han las investiziuns da construcziun importà 2,28 milliardas francs en il Grischun, stgars trais quart d'ellas èn vegnidas investidas en la construcziun auta. L'onn 2023 èn vegnidas bajegiadas 1'215 novas abitaziuns.