Cun ina quota da midadas da chasa da 9,3 pertschient (partenza) e 9,5 pertschient (arriv) sa chatta il chantun Grischun en la vasta media dals chantuns. La part la pli gronda da las midadas da chasa ha lieu entaifer la vischnanca da domicil ed il chantun. Il chantun da derivanza il pli impurtant da las persunas che vegnan natiers è Son Gagl. La pli gronda part da las Grischunas e dals Grischuns che bandunan il Grischun van percunter a star a Turitg. Resultats detagliads davart la statistica da las midadas da chasa publitgescha l'Uffizi federal da statistica UST mintga onn.