TextID MasterPage.Accessibility.Head.ContentBody (rm-CH) not found

Bainvegni tar la tgira da monuments dal Grischun

- 

Sco post chantunal spezialisà s'occupa la tgira da monuments dal Grischun dapi l'onn 1960 dal patrimoni cultural architectonic dal Grischun. Quest patrimoni na cumpiglia betg mo edifizis da tut gener, mabain er stabiliments d'infrastructura, ierts e locals publics da valur e plinavant bains culturals movibels, sco per exempel l'equipament da localitads u chars da viafier.

La tgira da monuments cusseglia patrunas e patruns da construcziun dal sectur privat e public e sustegna persunas spezialisadas sco er autoritads en connex cun l'execuziun da leschas che concernan la cultura architectonica. Tras l'analisa e la documentaziun da la substanza architectonica istorica augmenta ella la conscienza per qualitads architectonicas e spazialas existentas e contribuescha uschia al svilup positiv dals maletgs dal lieus. Sin plaun chantunal sa fatschenta la tgira da monuments ultra da quai cun dumondas concernent edifizis existents ordaifer la zona da construcziun, cun vias da communicaziun istoricas sco er cun dumondas, nua che novs stabiliments agriculs duain vegnir posiziunads.

Il biro da la tgira da monuments a la Loëstrasse 14 a Cuira dispona d'ina biblioteca spezialisada e d'in archiv analog, che pon vegnir duvrads – sin dumonda – per retschertgas.

Per la furmaziun supplementara specifica da persunas che han absolvì in studi d'istorgia d'art, d'istorgia da l'architectura, d'architectura u d'in sectur specific parentà, porscha la tgira da monuments ina plazza da praticum.

 

(Fotografia: Bregaglia, crottos a Bondo-Promontogno. TMG 2010)