Navigaziun principala

Cuntegn da la pagina

Dis europeics dal patrimoni

- 

Ils Dis europeics dal patrimoni han lieu en l'entira Svizra mintgamai la segunda fin d'emna da settember. En il Grischun vegn il program concepì da la tgira da monuments e dal servetsch archeologic, ensemen cun la protecziun da la patria dal Grischun e cun autras organisaziuns partenarias regiunalas che midan mintg'onn. Il program da l'entira Svizra chattais Vus a partir da mez fanadur sut www.hereinspaziert.ch.

Ils Dis europeics dal patrimoni èn in engaschament cultural dal cussegl da l'Europa e vegnan lantschads uffizialmain da quel. L'iniziativa vegn er sustegnida da l'Uniun europeica. Ils Dis dal patrimoni han lieu en 50 pajais europeics.

 

(Fotografia: Andeer, fotografia istorica, cumenzament dal 20. tschientaner. Archiv TMG)