Zum Seiteninhalt

Sustegn tras la confederaziun e tras il chantun

- 

Il cussegl grond dal chantun Grischun approvescha mintga onn in preventiv, en il rom dal qual pon vegnir concedidas subvenziuns per restauraziuns e per reparaziuns. A maun d'ina cunvegna da program sustegna la confederaziun las finamiras da la lavur da la tgira da monuments en cas d'edifizis d'impurtanza naziunala u en cas da direzzas finanzialas. Ultra da quai paja ella contribuziuns per mesiras en il sectur da la protecziun dal maletg dal lieu, sco per exempel per mantegnair cuntradas da tetgs caracteristicas per il lieu.

Las subvenziuns chantunalas e federalas vegnan pajadas per mesiras architectonicas che servan a mantegnair ed a tgirar la substanza architectonica istorica impurtanta. In accumpagnament professiunal tras la cussegliaziun da construcziun da la tgira da monuments è ina premissa, sch'i vegnan subvenziunadas mesiras da construcziun e da restauraziun.

 

(Fotografia: Breil, tapeta dal 19. tschientaner. TMG 2015)