Navigation

Inhaltsbereich

-
Scharàns, gruppa d'edifizis. Fotografia TMG 2013

 

Co percepin nus edifizis istorics en noss conturns? Tge istorgia(s) raquintan els? Tge connex ha la funcziun oriunda d'in edifizi cun sia apparientscha? Tge sveglia l'imaginaziun ch'edifizis fitg famigliars fissan tuttenina svanids? Tge capita cun nossa memoria, sche las perditgas materialas da noss passà svaneschan u vegn remplazzadas? Tge effects han perditgas istoricas perceptiblas sin nossa affecziun per ils lieus, nua che nus vivain, u sin l'attracziun da lieus, nua che nus vulain forsa far vacanzas?

En il rom da visitas guidadas e d'occurrenzas tracta la tgira da monuments l'istorgia d'edifizis istorics e renda conscienta – en il dialog cun la populaziun – l'impurtanza da la cultura architectonica entaifer noss spazi da viver actual.