Purschidas da staziuns da lavur

Catalogs online

En il plaunterren, en il plaun sutterran ed en il plaun sura pudais Vus retschertgar en noss catalog online sco er empustar ils documents online vi da totalmain 9 staziuns.

Internet

Tut en tut stattan a disposiziun quatter plazzas cun access a l'internet. Cun l'agen laptop pon ins er acceder a l'internet sur WLAN.

Plazzas da multimedia

En la biblioteca datti duas plazzas da lavur da multimedia ch'èn ultra da quai equipadas cun ils programs usitads d'Office per l'elavuraziun da texts, per la calculaziun da tabellas e.u.v.

Stampar

Las paginas che Vus stampais da l'internet u da las plazzas da multimedia survegnis Vus al banc d'emprest en il plaunterren. Ina pagina custa 20 raps.

Plazzas da studi

En la sala da lectura dal plaun sutterran As stattan a disposiziun 18 plazzas da lavur quietas.

Ulteriuras plazzas da lavur chattais Vus en il plaunterren, en il plaun sutterran ed en il plaun sura. En questas plazzas da lavur èsi pussaivel da lavurar en gruppas, uschenavant che las autras utilisadras e ch'ils auters utilisaders na vegnan betg disturbads.

Tut las plazzas ston puspè vegnir rumidas la saira.

Ulteriurs apparats

En la biblioteca chantunala pon vegnir duvrads dus apparats da copiar, in apparat per copiar microfilms, dus apparats per tadlar discs cumpacts, dus apparats da video e da DVD sco er in grammofon.

Cafetaria

En il plaunterren As stat a disposiziun in automat da bavrondas. Là sa chattan er las gasettas quotidianas actualas.