Zum Seiteninhalt

Bainvegni tar il portal da medias AV dal Grischun

En il portal da medias audiovisualas (medias AV) da la biblioteca chantunala dal Grischun chattais Vus infurmaziuns davart medias AV ch'èn vegnidas producidas en il Grischun, ma er ordaifer il chantun e che pertutgan il Grischun tras lur cuntegn u tras lur auturs.

Vus chattais films, videos u documents da tun dal Grischun, sche Vus endatais noziuns en il champ da tschertga u sche Vus giais sin il nivel da pleds (tag cloud). Cun cliccar sin ils maletgs dal carussel da maletgs arrivais Vus directamain en la vista detagliada. Sur il link "svutrar" pon ins tscherner filters e restrenscher in grond dumber da resultats tenor criteris sco p.ex. "onn da producziun", "lieu da filmar" ubain "lingua". In ulteriur access As dat la rubrica 'Collecziuns'.

En la vista detagliada vegni ultra da quai inditgà, sch'igl exista ina copia digitala d'in tschert medium. Questa copia pudais Vus guardar u tadlar a la staziun AV en la biblioteca chantunala.

Ans communitgai per plaschair senza retegnientschas sbagls, propostas per midadas u Vossa opiniun davart questa purschida da la biblioteca chantunala sur l'adressa info@kbg.gr.ch.

Tscherner maletgs da cuverta