Il convict dispona da stanzas singulas e dublas sin nov differents plauns. Mintga plaun ha ina chombra singula da standard, stanzas singulas pli grondas (stanzas dublas duvradas sco singulas) e stanzas dublas cun lavabo.

L'access a l'internet sur in indriz da wireless è avant maun en l'entira chasa ed è gratuit per las abitantas ed ils abitants. (Midadas resalvadas)
Las tualettas, las duschas ed il bogn sa chattan sin il plaun.
Per regla vegnan assegnadas las chombras dublas a las abitantas ed als abitants novs e minorens.

L'experientscha mussa che las collegas ed ils collegs da chombra promovan l'integraziun en la vita dal convict ed er en la vita a la scola chantunala. Tenor disponibilitad sa tschernan las abitantas ed ils abitants pli vegls sezs lur chombra. Las chombras mobigliadas e spaziusas han ina vista mirvegliusa sin Cuira e sin ses conturns.
Las chombras pon vegnir endrizzadas tenor l'agen gust. Ina giada l'emna vegnan las chombras nettegiadas. La rauba da letg vegn messa a disposiziun dal convict e vegn lavada regularmain.