Tar buns pasts e tar legraivels discurs vegnan tancadas novas energias per la scola, per emprender u per las activitads sportivas.

La sala da mangiar sulegliva porscha plazza a 174 persunas. Bunamain 70 ulteriuras plazzas stattan a disposiziun al 6avel plaun. Nossa cuschina averta e moderna dat ina buna invista en l'elavuraziun da las victualias.

La vasta purschida culinara na vegn betg mo appreziada fitg da las abitantas e dals abitants, mabain er da las circa 150 externas ed externs che s'alimenteschan regularmain tar nus.
Fitg bainvis è noss buffet da salatas preparà frestg e varià.

Saja quai tar il menu principal u tar il menu vegetar, il pli tard però tar il café ed il dessert han ins er peda da giudair la vista mirvegliusa sin la citad da Cuira.