En il sectur da la scola guarda l'uffizi per la scola populara ed il sport (USS) ch'ils fatgs da las scolinas, da las scolas popularas e da las scolas spezialas en il chantun Grischun vegnian manads e promovids en il senn da las leschas correspundentas.

En il sectur dal sport intimescha il USS la populaziun, en spezial ils giuvenils, cun purschidas da sport en las scolas ed en las uniuns da sport d'esser activ corporalmain, da viver en moda sauna e d'entrar en contact social. Plinavant garantescha il USS la coordinaziun e l'interdependenza tranter las persunas e las instituziuns ch'èn activas en il sport.