Navigation

Inhaltsbereich

En 5 districts surveglian 15 persunas spezialisadas en il champ pedagogic ils fatgs da las scolas popularas e da las scolinas.

Il servetsch central cumpiglia il giudicament e la promoziun da la scola; tras ils servetschs duai pia vegnir garantida e sviluppada la qualitad da l'instrucziun e da la scola. Quel vegn fatg cun agid d'ina procedura standardisada en furma d'ina evaluaziun da las scolas e da las scolinas. Cun la surveglianza vegn plinavant garantì in manaschi da scola regular.

Plinavant vegnan las persunas d'instrucziun e las autoritads cussegliadas en dumondas davart la planisaziun da la scola e davart il manaschament en situaziuns da conflict. Ultra da quai vegnan ellas sustegnidas en il champ didactic-metodic sco er en il champ pedagogic. La cussegliaziun spezialisada vegn fatga tenor il princip da clamar.

La communicaziun vegn garantida cun agid da circularas mensilas, cun agid d'occurrenzas che han lieu periodicamain per las autoritads da las scolas e per las direcziuns da las scolas sco er cun agid da rapports d'evaluaziun. Ils districts funcziunan sco posts da triascha, da scleriment e d'infurmaziun per dumondas davart la scola.

Directivas per l'inspecturat da scola