Navigation

Inhaltsbereich

Sin 10 posts regiunals en tut las regiuns linguisticas dal chantun porschan 17 persunas ch'èn spezialisadas en il champ psicologic ina cussegliaziun da scola e d'educaziun.

Las cussegliaziuns sa drizzan ad uffants da la scolina e da la scola populara sco er a lur persunas da referiment, sch'i sa manifesteschan difficultads en connex cun il emprender en scola, cun il svilup, cun il cumportament u cun il stadi emoziunal e sch'i vegnan tschertgadas novas soluziuns. Quest servetsch vegn purschì en il senn da l'agid per gidar sasez a geniturs, ad uffants ed a giuvenils, a mussadras, a persunas d'instrucziun sco er ad autras persunas spezialisadas en il champ pedagogic.

Plinavant cumpiglia il servetsch la cussegliaziun da las autoritads en connex cun il svilup da lur scola sco er en connex cun dumondas generalas davart temas psicologics e pedagogics.

50 onns Servetsch psicologic da scola dal chantun Grischun

Avis davart il coronavirus

Tut ils posts regiunals porschan cussegliaziuns da scola e d'educaziun resguardond las mesiras da protecziun e d'igiena da chantun e Confederaziun. Per plaschair far attenziun a las regulaziuns adattadas per l'andament da scleriments e cussegliaziuns.


ExtendedContentByQuery