Zum Seiteninhalt

Garanzia da qualitad scolas spezialas

Sco surveglianza da scola che sa basa sin evaluaziuns è l'inspecturat da scola dal Grischun responsabel per la garanzia da qualitad e per il svilup da qualitad da la scola populara. El fa periodicamain evaluaziuns en las scolas popularas (scolas publicas e scolas spezialas). En quest connex vegn applitgada tant en las scolas publicas sco er en las instituziuns da la scola speziala ina procedura standardisada per il Grischun. En il sectur da la scola speziala cumpiglia il champ da cumpetenza da l'inspecturat da scola mo il sectur da l'evaluaziun. Las obligaziuns e las incumbensas èn inditgadas detagliadamain en las directivas per l'inspecturat da scola.

Bild Kind

Ils servetschs che l'inspecturat da scola porscha cumpletteschan il manaschament da qualitad intern da las instituziuns da la scola speziala cun ina vista d'ordaifer. Quatter dimensiuns d'effect vegnan prendidas en mira: savida, svilup, pled e fatg e realisaziun da las normas.