Dapi l'onn 2013 communitgeschan la Regenza e l'administraziun chantunala sur Facebook. Quai pussibilitescha ina communicaziun simpla e directa en spezial davart cuntegns e servetschs quotidians dal maun public. L'account da Facebook uffizial dal chantun Grischun chattan ins sut @KantonGR. Il chantun Grischun regla l'utilisaziun dals chanals da social media cun la netiquette da social media.
Tgi tgira l'account da Facebook?
La tgira da l'account da Facebook vegn da princip organisada, survegliada ed evaluada tras il Servetsch da communicaziun da la Chanzlia chantunala. Ultra dal Servetsch da communicaziun han er ils departaments e lur posts da servetsch access a l'account uffizial. Qualifitgads per quai èn las uschenumnadas redacturas e redacturs da social media. Ellas ed els vegnan scolads ordavant tras il Servetsch da communicaziun.
Tge posts da servetsch communitgeschan sur l'account da Facebook uffizial?
Actualmain èn ils suandants posts da servetsch represchentads cun redacturas e redacturs da social media sin Facebook:
- Uffizi da chatscha e pestga
- Uffizi d'agricultura e da geoinfurmaziun
- Uffizi da migraziun e da dretg civil
- Uffizi da militar e da protecziun civila
- Uffizi per la scola populara ed il sport
- Uffizi da guaud e privels da la natira
- Servetsch archeologic
- Museum da la natira dal Grischun
- Uffizi da sanadad
- Biblioteca chantunala
- Servetsch da communicaziun da la Chanzlia chantunala
- Museum retic
- Uffizi da construcziun bassa
Tge posts da servetsch communitgeschan er anc separadamain sur Facebook?