Dapi l'onn 2022 communitgeschan la Regenza e l'administraziun chantunala sur LinkedIn. En questa rait da business sa concentrescha il chantun Grischun primarmain sin sia preschentaziun sco patrun attractiv. En quest senn chattan ins sin l'account da LinkedIn uffizial dal chantun Grischun sut @kantongr principalmain cuntegns dal mund dals affars. Il chantun Grischun regla l'utilisaziun dals chanals da social media cun la netiquette da social media.
Tgi tgira l'account da LinkedIn?
La tgira da l'account da LinkedIn vegn da princip organisada, survegliada ed evaluada tras il Servetsch da communicaziun da la Chanzlia chantunala. Ultra dal Servetsch da communicaziun han er ils departaments access a l'account uffizial. Qualifitgads per quai èn lur responsablas e responsabels per la communicaziun. Ellas ed els vegnan scolads ordavant tras il Servetsch da communicaziun.
Tge posts da servetsch communitgeschan er anc separadamain sur LinkedIn?
Ultra da l'account da LinkedIn uffizial dal chantun Grischun existan anc sutpaginas da singuls uffizis. Actualmain èn ils suandants posts da servetsch represchentads sin LinkedIn: