Dapi l'onn 2018 communitgeschan la Regenza e l'administraziun chantunala sur Instagram. Il chantun Grischun utilisescha quest chanal en spezial per pussibilitar in sguard davos las culissas da l'administraziun chantunala. L'account d'Instagram uffizial dal chantun Grischun chattan ins sut @kantongr. Il chantun Grischun regla l'utilisaziun dals chanals da social media cun la netiquette da social media.
Tgi tgira l'account d'Instagram?
La tgira da l'account d'Instagram vegn da princip organisada, survegliada ed evaluada tras il Servetsch da communicaziun da la Chanzlia chantunala. Ultra dal Servetsch da communicaziun han er ils departaments e lur posts da servetsch access a l'account uffizial. Qualifitgads per quai èn las uschenumnadas redacturas e redacturs da social media. Ellas ed els vegnan scolads ordavant tras il Servetsch da communicaziun.
Tge posts da servetsch communitgeschan sur Instagram?
Actualmain èn ils suandants posts da servetsch represchentads cun redacturas e redacturs da social media sin Instagram:
- Uffizi per la furmaziun professiunala
- Uffizi per la furmaziun media-superiura
- Uffizi d'agricultura e da geoinfurmaziun
- Uffizi per la segirezza da victualias e per la sanadad d'animals
- Uffizi da migraziun e da dretg civil
- Uffizi da militar e da protecziun civila
- Uffizi per la scola populara ed il sport
- Uffizi da guaud e privels da la natira
- Museum da la natira dal Grischun
- Uffizi da sanadad
- Biblioteca chantunala
- Post da communicaziun da la Polizia chantunala
- Servetsch da communicaziun da la Chanzlia chantunala
- Uffizi da persunal
- Plantahof
- Museum retic
- Uffizi da construcziun bassa
Tge posts da servetsch communitgeschan er anc separadamain sur Instagram?