Cuntegn da la pagina

Il Grischun gida: Plattafurma d'intermediaziun sin www.gr.ch/coronavirus

  • Erste Mitteilung
  • Neuen Beitrag einfügen

Il Stab directiv chantunal dal Grischun sustegna l'agid da buna vischinanza ed intermediescha persunal spezialisà: Per quest intent ha el mess a disposiziun sin la pagina d'internet www.gr.ch/coronavirus la plattafurma d'intermediaziun "Il Grischun GIDA".

La derasaziun dal coronavirus ha bloccà considerablamain la vita en il Grischun. Numerusas persunas èn en quarantina individuala, na pon betg pli far cumissiuns, dovran servetschs da pasts u tschertgan intgin che s'occupa da l'animal da chasa.

Sut il chavazzin "Il Grischun GIDA" sin la plattafurma www.gr.ch/coronavirus pon persunas che tschertgan agid e persunas che gidan s'annunziar e sa colliar en moda nuncumplitgada ubain sin www.hilf-jetzt.ch ubain sur l'app "FiveUp".

Per ospitals e chasas che tschertgan persunal medicinal supplementar u autras forzas auxiliaras scoladas, datti medemamain in formular separà per s'annunziar sin "Il Grischun GIDA". La coordinaziun da questas persunas spezialisadas surpiglian commembers da la protecziun civila.

Il servetsch d'intermediaziun è ina part da la plattafurma da dialog "Coronaviruscomm" dal Stab directiv chantunal. Qua respundan commembers da la protecziun civila dal Grischun mintga di per e-mail e per telefon pliras tschient dumondas dals fatgs da sanadad, da las scolas, da las vischnancas e d'interpresas.


Link tar la pagina per persunas privatas e per gruppas

Link tar il formular per persunas spezialisadas

 Infurmaziuns

Per ulteriuras infurmaziuns per mauns da la populaziun renviescha il chantun Grischun a la suandanta pagina d'internet: www.gr.ch/coronavirus

Per dumondas generalas per telefon stat a disposiziun a la populaziun da lingua tudestga la lingia d'infurmaziun da l'Uffizi federal da sanadad publica:
Telefon: +41 58 463 00 00 (mintga di, di e notg)


Infurmaziuns per las collavuraturas ed ils collavuraturs da las medias, per il sectur da sanadad, per las vischnancas e per las scolas
Dumondas pon vegnir drizzadas er vinavant directamain al post da communicaziun per il coronavirus:

-

Uras da manaschi: glindesdi fin venderdi da las 08.00 a las 17.00

E-mail medias: kfsmedien@amz.gr.ch  
E-mail sectur da sanadad: kfsmedical@amz.gr.ch  
E-mail vischnancas, scolas & lavur: kfsinfo@amz.gr.ch  
Telefon: +41 81 254 16 00 (gli – ven, 8.00 – 19.00)

Neuer Artikel