Navigation

Inhaltsbereich

En il program da la Regenza 2021–2024, sut il punct central da svilup «Patrun attractiv», ha la Regenza fixà la finamira ch'il chantun porschia – sco patrun attractiv – a sias collavuraturas ed a ses collavuraturs cundiziuns d'engaschament e da lavur progressivas cun prestaziuns da salari, prestaziuns socialas e prestaziuns accessoricas al salari cumpetitivas. Per pudair recrutar e tegnair las collavuraturas ed ils collavuraturs necessaris, en spezial persunas spezialisadas e caders, duain las cundiziuns d'engaschament e da lavur da la Lescha dal persunal vegnir adattadas a las pretensiuns d'ozendi.

Meglieraziuns èn previsas cunzunt en il sectur da la cumpatibilitad da la professiun cun la famiglia, da la flexibilisaziun dal pensiunament, uschia ch'i po vegnir lavurà er suenter avair cuntanschì la vegliadetgna ordinaria da pensiunament, sco er tar la promoziun da la lavur a temp parzial. Ulteriurs puncts da la revisiun concernan avischinaziuns al dretg da lavur privat e l'extensiun da las cumpetenzas dals posts da servetsch.

Cumenzament: 22 da mars 2021
Fin da la consultaziun: 22 da zercladur 2021

Vernehmlassungsdokumente-DFG-RM