Zum Seiteninhalt

Consultaziuns currentas

  • Revisiun parziala da la lescha per promover il svilup economic en il chantun Grischun

    La regenza ha tramess en consultaziun la revisiun parziala da la lescha per promover il svilup economic en il chantun Grischun (DG 932.100). Las regiuns duain vegnir sustegnidas substanzialmain d'ademplir las incumbensas en connex cun il svilup regiunal. Per augmentar l'effizienza e l'efficacitad duai il management regiunal vegnir concepì da nov.

    Cumenzament: 4 da fanadur 2019
    Data finala: 4 d'october 2019

  • Consultaziun tar ina lescha davart la promoziun da la transfurmaziun digitala en il Grischun

    En la sessiun d'avust 2018 ha il cussegl grond incumbensà la regenza da stgaffir las basas necessarias per ch'in credit d'impegn da 40 milliuns francs possia vegnir mess a disposiziun per dar in stausch a la digitalisaziun en il Grischun.

    Per furmar il credit d'impegn sco er per reglar co e per tge intents ch'el è da duvrar, vegni proponì da relaschar ina lescha nova per ina durada limitada.

     

    Cumenzament: 20 da zercladur 2019
    Termin final: 20 da settember 2019

  • Audiziun tar ina revisiun totala dal contract normal da lavur per l'economia da chasa

    La regenza ha deliberà la revisiun totala dal contract normal da lavur per l'economia da chasa per l'audiziun. Il motiv per la revisiun è la situaziun da lavur d'uschenumnadas "migrantas da tgira" u "live-ins" che derivan da pajais da l'Europa da l'ost: ellas furneschan prestaziuns da tegnairchasa per persunas attempadas ed èn perquai savens disponiblas durant 24 uras al di.


    Cumenzament: 23 da matg 2019
    Data finala: 31 da fanadur 2019