Navigaziun principala

Cuntegn da la pagina

Projects inoltrads / dumondas da finanziaziun

Il post spezialisà per l'integraziun dal chantun Grischun sustegna projects d'integraziun che cumpletteschan las purschidas da las structuras regularas sco scolina, scola, furmaziun professiunala, martgà da lavur u fatgs da sanadad. La finamira è la promoziun da l'integraziun linguistica, professiunala e sociala da persunas estras che han prendì ina dimora legala e durabla en il Grischun per las dar las medemas schanzas sco che las persunas indigenas han per l'access a las resursas socialas ed economicas da noss chantun.

Per quest intent conceda il chantun – en collavuraziun cun la confederaziun – in sustegn finanzial per projects d'integraziun en ils secturs lingua, promoziun tempriva e furmaziun da geniturs, infurmaziun ed orientaziun en il mintgadi, furmaziun facila ed integraziun sociala, confurm a las directivas correspundentas ch'èn avant maun per inoltrar dumondas.

Persunas interessadas che vulan realisar l'onn 2021 projects per promover l'integraziun da la populaziun estra e che vulan dumandar in sustegn finanzial per quest intent, pon inoltrar ina dumonda da finanziaziun al post spezialisà per l'integraziun dal Grischun.

Il dretg da survegnir ina contribuziun finanziala n'è betg garantì.

Inoltraziun da dumondas da finanziaziun

Dumondas da finanziaziun per projects d'integraziun en il chantun Grischun

Directivas

1.0 Directivas per curs da lingua

2.0 Directivas da promoziun tempriva e da furmaziun da geniturs

3.0 Directivas projects per promover l'informaziun, la furamziun facila e l'integraziun sociala

Fegl d'infurmaziun per sustegnair uniuns grischunas

Fegl d’infurmaziun per sustegnair uniuns grischunas e lur engaschament per promover l’integraziun