Per garantir la profilaxa d'epidemias d'animals e per evitar ch'ellas sa derasan èn necessarias regulaziuns davart il traffic d'animals. La controlla dal traffic d'animals promova – cun la finamira da la repersequitabladad – la confidanza da las consumentas e dals consuments ed è ultra da quai la premissa per avair access a las fieras da l'exteriur.
Las disposiziuns davart il traffic d'animals cumpiglian prescripziuns:
- davart la caracterisaziun e la registraziun e dals animals
- davart il transport d'animals
- davart la realisaziun da fieras e d'exposiziuns
- davart l'alpegiada (prescripziuns per l'alpegiaziun)
- davart il commerzi
Ultra da quai è reglà supplementarmain il traffic cun products d'animals che pudessan esser in privel per derasar malsognas. Quai vala medemamain per il diever segir da sems e d'embrios sco er per il traffic segir cun products secundars animals (ruments).