La promoziun ed il mantegniment da la sanadad d'animals è ina incumbensa principala dal servetsch veterinar public. Mo animals sauns pon ademplir las prestaziuns pretendidas dad els e las pretensiuns da las consumentas e dals consuments en connex cun victualias che derivan d'animals.

Per ademplir questas incumbensas impurtantas areguard la sanadad d'animals vegnan:

• controlladas regularmain las possessuras ed ils possessurs d'animals areguard epidemias d'animals (prevenziun)
• survegliads ils effectivs d'animals per mauns da vastas analisas da controlla en connex cun differentas epidemias d'animals
• prendidas mesiras necessarias effizientas en cas ch'i vegn constatà in'epidemia ed evità ch'ina epidemia sa derasa
• controllada la tratga dals animals da niz tras il veterinari uffizial

Cun ulteriurs sforzs sa stenta il servetsch veterinar public da prevegnir ad ulteriuras malsognas d'animals che n'èn betg fixadas sco epidemias en la legislaziun e che pon tuttina avair ina gronda impurtanza per il singul effectiv d'animals (p.ex. il cumbat cunter la zoppina da las nursas).