En l'archiv chantunal sa chattan ils contracts, las actas ed ils cudeschs d'archiv da la regenza e da l'administraziun chantunala, da las dretgiras sco er dal cussegl grond. Fin l'onn 2012 èn ils documents vegnids archivads en emprima lingia tenor in sistem da pertinenza cumplessiv, q.v.d. tenor champs tematics.

Dapi l'onn 2012 vegnan ils fonds ch'entran da nov ordinads e cataloghisads tenor il princip da la provegnientscha, q.v.d. tenor lur derivanza. En quai che reguarda il temp van er quests documents enavos per decennis. En tscherts lieus sa cruschan els areguard il temp cun ils documents en l'archiv da pertinenza.

Ultra dals instruments da retschertga da PDF inditgads qua sutvart per fond porscha il sistem d'infurmaziun d'archiv ina tschertga en tut ils fonds avant maun.

Infurmaziuns davart la disponibladad dals stampats uffizials chantunals chattais Vus qua.