Bainvegni sin la pagina d'internet da l'archiv dal stadi

L'archiv dal stadi serva a segirar, a tegnair en salv ed a metter a disposiziun las scrittiras concernent l'istorgia dal Grischun sco er tut las actas essenzialas da l'administraziun per mantegnair ils dretgs ed ils interess dal chantun.Uschia di l'art. 1 da l'ordinaziun davart l'archiv dal stadi. Tge è dentant manegià cun quai?

L'archiv dal stadi è la memoria dal chantun e da sia populaziun. El segirescha bains culturals unics en scrit, per gronda part unicats – dal document medieval da pergiamina fin a las datas electronicas – per la perscrutaziun istorica e sco basa per l'identitad chantunala e locala.

L'archiv da la Republica da las Trais Lias va enavos fin al 15avel tschientaner. A las utilisadras ed als utilisaders stat a disposiziun in grond dumber d'infurmaziuns. Sper infurmaziuns davart l'istorgia dal Grischun sa chattan er voluminusas collecziuns da fotografias e da documents sco er funtaunas per la genealogia en l'archiv dal stadi.

Fufragnai sin nossa pagina d'internet ubain tar nus en l'istorgia dal Grischun – nus ans legrain da Vossa visita.