Bainvegni tar l'uffizi per la valitaziun d'immobiglias

L'uffizi per la valitaziun d'immobiglias fa las valitaziuns uffizialas dals bains immobigliars e da las immobiglias en il chantun.

Ils 31 da december 2017 è il num "uffizi da stimaziun" daventà suenter 45 onns istorgia. La nova designaziun a partir dal 1. da schaner 2018 è "uffizi per la valitaziun d'immobiglias". Ultra dal num datti differentas autras midadas. La basa per quai è la nova lescha davart las valitaziuns uffizialas d'immobiglias (LVI). L'obligaziun da valitaziun en cas d'investiziuns essenzialas vegn reducida considerablamain a favur da las proprietarias e dals proprietaris, e l'urden da taxas vegn medemamain adattà. Las valitaziuns da revisiun che vegnan fatgas mintga 10 onns tenor vischnanca han lieu er vinavant. Las valitaziuns vegnan realisadas sco fin ussa en las filialas a Cuira, Tavau, Glion, Tusaun, Samedan e Scuol.