Proceder

Sche Vus avais obtegnì da nus in «questiunari per la valitaziun da revisiun», vegnan ils bains immobigliars surbajegiads en Vossa vischnanca valitads da nov.

Vus pudais inoltrar il questiunari ed ils documents per posta u per e-mail al biro da valitaziun respectiv u ans trametter via ePortal.

Ensemen cun il questiunari As vegn tramess er in fegl d'infurmaziun.

Formular

Questiunari per la valitaziun da revisiun

Empè da punct 2 en il questiunari pudais Vus er inoltrar Voss agen rendaquint dals custs da construcziun u chargiar si quel (scan u fotografia da telefonin).

Inoltrar

Vus avais la pussaivladad d'inoltrar per posta u per e-mail tut ils formulars e documents al biro da valitaziun respectiv u d'als chargiar si via ePortal.

En cas d'hotellaria ston vegnir inoltrads supplementarmain ils ultims trais rapports da gestiun.

Formular retgavs dal manaschi d'hotellaria

Ulteriur proceder

Sche necessari, vegn fixà in termin d'inspecziun cun Vus resp. cun l'administratura u l'administratur da
l'immobiglia da proprietad en condomini.

En cas d'eventualas dumondas As vegnin nus a contactar (empleni per plaschair tut las datas da contact a
la fin dal questiunari). Suenter As vegn tramessa la disposiziun da valitaziun.

Taxas

En cas d'investiziuns a partir da 100'000 francs u da novs edifizis a partir da 20'000 francs vegn incassada ina taxa. La taxa importa 1,3 promils da la summa d'investiziun.

La taxa minimala importa 150 francs per mintga bain immobigliar resp. 30 francs en cas da proprietad en condomini.

Er per partiziuns da bains immobigliars e transfurmaziuns en proprietad en condomini, en cumproprietad ed en dretg da construcziun vegnan incassadas taxas.

L'urden da taxas detaglià chattais Vus qua: art. 37 OVI.