La cumissiun da persunal è la partenaria da discurs e l'organ consultativ da la Regenza en dumondas dal persunal. Ad ella vegnan suttamessas las fatschentas da persunal impurtantas, sco en spezial las midadas planisadas da la Lescha da persunal e da las ordinaziuns correspundentas u la fixaziun da la cumpensaziun da chareschia.

La cumissiun da persunal sa cumpona da princip dad indesch commembras e commembers e da diesch suppleantas e suppleants. La scheffa resp. il schef dal Departament da finanzas e vischnancas exequescha il presidi e la Regenza elegia las ulteriuras commembras ed ils ulteriurs commembers, las suppleantas ed ils suppleants e l'actuariat. Las associaziuns da persunal han in dretg da far propostas liantas per l'elecziun da sis commembras e commembers e da sis suppleantas e suppleants e pon ultra da quai vegnir envidadas a las sesidas sco observadras.