Navigation

Inhaltsbereich

A partir dal 1. d'october 2022 valan novas reglas d'acquisiziun per ils incumbensaders publics en il chantun Grischun. Per quest termin ha la Regenza declerà da sa participar a la Cunvegna interchantunala revedida davart las acquisiziuns publicas (CIAP 2019) e mess en vigur las disposiziuns executivas chantunalas necessarias. Sco consequenza vegn la legislaziun chantunala da submissiun vertenta abolida per ils 30 da settember 2022. Las novas basas legalas sco er la missiva da la Regenza chattais Vus qua sut. Ulteriuras infurmaziuns davart il nov dretg d'acquisiziun vegnan messas a disposiziun cuntinuadamain sin questa pagina (fegls d'infurmaziun, mussavia davart las acquisiziuns, links e.u.v.).

Tras la participaziun a la CIAP presta il Grischun ina contribuziun impurtanta per armonisar il dretg d'acquisiziun en Svizra. Da quai profitan en plirs reguards tant l'economia sco er ils posts d'acquisiziun. Las prescripziuns d'acquisiziun revedidas s'orienteschan pli fitg tenor aspects da qualitad, da persistenza e d'innovaziun.

 

Basas giuridicas

DG 803.710 Cunvegna interchantunala davart las acquisiziuns publicas (CIAP)

DG 803.600 Lescha introductiva tar la Cunvegna interchantunala davart las acquisziuns publicas (LltCIAP)

DG 803.610 Ordinaziun tar la Lescha introductiva tar la Cunvegna interchantunala davart las acquisiziuns publicas (ORtLltCIAP)

 

DG 803.700 Participaziun dal chantun Grischun a la Cunvegna interchantunala davart las acquisiziuns publicas dals 15 da november 2019

 

Missiva per la participaziun a la Cunvegna interchantunala revedida davart las acquisiziuns publicas (CIAP)

 

Fegls cun ils puncts impurtants e links

Fegls cun ils puncts impurtants e mussavia davart acquisiziuns (sboz) TRIAS (www.trias.swiss)

(il mussavia definitiv davart acquisiziuns suonda circa il november 2022)

 

Plattafurma acquisiziuns publicas persistentas WöB (www.woeb.swiss)

 

Documents da scolaziun

Video da scolaziun "Preschentaziun en il nov dretg d'acquisiziun – Acquisiziuns persistentas e cun responsabladad"

Video da scolaziun

 

Preschentaziun nov dretg d'acquisiziun en il chantun Grischun – Occurrenzas regiunalas avust 2022