Occurrenza d'infurmaziun davart il tema cunvegnas da submissiun
Dapi il 1. d'october 2022 èn tut ils posts d'acquisiziun publics en il chantun Grischun obligads tras lescha d'annunziar suspects da cunvegnas da submissiun. Per sustegnair ils posts d'acquisiziun tar l'identificaziun e tar l'evitaziun da talas cunvegnas, envida il Center chantunal da cumpetenza per las acquisiziuns publicas, ensemen cun il secretariat da la Cumissiun federala da concurrenza (CUMCO), ad in'occurrenza d'infurmaziun.
Cuntegns:
- Constatar ed evitar cunvegnas da submissiun
- Facturs da ristga e cuntramesiras
- Exempels or da la pratica e segns tipics
Public: Collavuraturas e collavuraturs sco er cussegliadras e cussegliaders dals posts d'acquisiziun publics
Data: 3 da november 2025, 13.30
Lieu: Edifizi dal Cussegl grond a Cuira u participaziun online
Lingua: Tudestg (cun translaziun en talian)
Annunzia fin ils 15 d'october 2025 a https://findmind.ch/c/mr4S-kLAZ
Per dumondas stat il Center da cumpetenza per las acquisiziuns publicas gugent a Vossa disposiziun sut l'adressa dad e-mail beschaffungswesen@diem.gr.ch ubain per telefon sut 081 257 36 06.
Center da cumpetenza per las acquisiziuns publicas
Departament d'infrastructura, energia e mobilitad dal Grischun